احلم

من زمان وأنا بفكر عن الأحلام ووجودها فى حياتنا وإزاى فى ناس بتحقق أهدافها     أو  أحلامها  والحلو فى الموضوع انك تعرف ان حياتنا كدة

              ملحوظة : شوفوا الفيديو دة :)

وبعد ما تبص على خط الحياة تلاقى انه الناجح هو اللى خط حياته مليان انجازات بيفيد 

بيها الناس بعد ما يموت 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طيب إزاى أملى حياتى نجاح ؟؟؟؟؟

بصراحة أنا كنورهان جايز معرفش حل جزرى للمشكلة دى وإلا كان زمانى عملته من زماااااااااان بس الحقيقة أنه باين كدة فى حل  خلينى أقولكوا :)

:قريت اقتباس من (باولو كويلو) كان بيقول 

 " follow your dreams ..transform your life"

واذن هذه القاعدة الاولى ان نتبع احلامنا كى نشكل حياتنا 

بصراحة مرة كنت بنتكلم مع صحابى فى الموضوع دة وكنا بنقول طيب نحقق احلامنا  ازاى دة احنا محصورين فى نظام تعليم  بيعطل!!!ـــــــــــــــ .

طيب ايه رايكوا لو ناخد رحلة فيه :) 

فى البداية بتروح ابتدائى وطبعا لازم فى 6 أو 5 إبتدائى تجيب مجموع كبيييييييييييييييير عشان تبقى أحسن  من قرايبك و كمان عشان تدخل مدرسة كويسة :)) وتخلص وبعد كدة تدخل إعدادى فتيجى  3  إعدادى  وبرضة لازم تجيب مجموع كبير عشان تدخل ثانوية عامة وساعات عشان تبقى أحسن من قرايبك  أو ولاد الجيران أنت مش عارف هما جابوا كام :)) وتخلص وتروح ثانوى وبرضة المرة دى  2 و 3 ثانوى أنت بتحدد مستقبلك فخلى   بالك الغلطة بفورة

 ( :p الحمد لله انا 3 بس هى اللى شهادة)

المهم وعلى حد علمى بعد ما تروح الكلية أيًا كانت وتتخرج ثلاث ارباع الناس مش بتلاقى شغل لانه ثلاث ارباع الناس ممشتش ورا احلامها ايوة اسمعوا منى بس 

أحلامهم

بس لما تقعد تفكر شوية كدة تلاقى الجيل اللى قبليك زى د/فاروق الباز أو الله يرحمه

 د/ إبراهيم الفقى  تلاقى الناس دى مكانش عندهم ربع اللى عندنا مكنش عندهم كمبيوتر ولا نت ولا كانوا يقدروا يختاروا كليات بعيدة لأنهم كانوا من أسر بسيطة برغم اننا عندنا حاجات كتير الا اننا برضة مش زيهم :((ـ

بجد بجد متحبطووووش انامش بقلب علينا المواجع ولا حاجة انا بس بفكر برة الصندوق معاكوا :))) خلينا نؤمن كلنا ونطمن لأننا

عندنا أحلااااااااااااام كتييييييير ومفيش حد معندوش

بس المشكلة فينا أحنا احنا اللى بنحققها و احنا اللى بنموتها ساعات و عشان كدة تعالوا    

نشوف الفيديو دة :))ـ

طيب بعد ما شفنا الفيديو وشفنا اننا عمرنا ما حنكون متأخرين لان اننا اصلا مش متأخرين بالعكس أحنا ممكن نعتبر كل اللى عدى مجرد تجارب سواء كانت ناجحة أو مكنتش مش مهم المهم مدى أستفادتنا منها 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كيف أحقق أحلامى (أهدافى)؟؟

لازم نعرف شوية حاجات 

أولا: الحياة هى أن تكوّن أو تخلق أفكارك وكيانك بنفسك

ثانيًا: أن تخرج خارج القطيع بمعنى أنه يكون ليك رأيك الخاص لا تنساق وراء أراء 
الأخرين 

ثالثًا: أن تعرف أنه لكى تعيش حياة إبداعية حقيقية يجب أن تفقد مخاوفك من أن تكون خطأ     

رابعًا : أن تعلم أن بداخلك موهبة أن تؤمن بقدراتك لأن ربنا أعطى كل منّا ما يؤهلنا لنحقق أحلامنا فكل منا لديه رؤية و قدرة على الإبتكار و قدرة على الإبداع والخيال أيضًا فنحن بيدنا أستغلال كل هذا 

خامسًا : ألا تنظر لمواهب غيرك نظرة الحقد بمعنى إذا كان غيرك يمتلك موهبة أنت لا تمتلكها فلا تحزن بالتأكيد لديك موهبة أنت الآخر فكلنا سواء ولكن الناجح هو من يكتشف موهبته وينميها دائمًا 

وكمان فى جزء مهم جداااااااااااااااا كلمة (ولكن) السلبيية 

يقول د/إبراهيم  الفقى فى كتابه (قوة التحكم فى الذات ) أنه المستوى الثانى من التحدث مع الذات هو استخدام كلمة (ولكن) السلبية 

حيث أنها تمحو الاشارات الايجابية التى قبلها 

مثال ) أريد الاستيقاظ مبكرا ولكن لا أحب ذلك

  فبالتالى يصل للعقل الباطن انك لاتحب ان تستيقظ مبكرًا لأن كلمة (ولكن) تمحو 

الاشارات الايجابية فتصل الاشارات السلبية 

فلا تقل نفسك أريد أن تكون كذا ولكن  

حاول دائما ان تحفز نفسك 

مثال) انا استطيع أن افعل

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كيف أفرق بين الأحلام والأهداف ؟؟؟؟

ثمة خيط رفيع بين الحلم والهدف فالهدف هو حلم قابل للتحقق  

ولذلك توجد قاعدة إسمها 

 وهذه الكلمة أختصار لقواعد تحقيق الأحلام(smart)

1-Specific  محدد

يجب ان يكون هدفك محدد فلا تقل أريد الحصول على السعادة يجب ان تحدد شئ تتمثل  فيه السعادة بالنسبة لك كإجتياز كورس لا تحبه بدرجات عالية  وبالتالى ستحقق السعادة 

2-Measurable قابل للقياس

أن يكون هدفك قابل للقياس أى قابل للتقييم ستقيم نفسك مدى تقدمك فى تحقيق الهدف وهذا يأتى من خلال تقسيم الهدف الكبير لعدة أهداف صغيرة إذا كنت تتقدم فيها فأنت تسلك الطريق الصحيح وإذا كنت تتأخر فأنت تحتاج لإعادة النظر فى الخطة   

مثال) الهدف الكبير أنك تريد أن تذاكر كتاب الفيزياء كله يمكنك تقسيم هذا الهدف لأهداف صغيرة وبالتالى ستستطيع  أن تقيم نفسك 

3-Ambitious طموح

لا تضع حدود لهدفك لأنه حياتك لا تحلم أن تكون الأول على الفصل فقط أحلم أن تكون الأول على دفعتك بل الأول على الجمهورية وأن تكون الأحسن فى العالم 

4-Realistic واقعى 

ويجب أن يتسم هدفك بالواقعية فلا يمكنك أن تطير بتركيب أجنحة لأنك إنسان   

5-Time bound محدد زمنيًا 

يجب أن تضع وقت لإنجاز هذا الهدف 

مثلا: أريد مذاكرة هذا الجزء فى يوم 

 وبالتالى بعد مرور يوم ستستطيع قياس مدى تقدمك  فى هذا الجزء 

وبعد معرفة هذه القاعدة أعتقد أننا سنستطيع معرفة أهدافنا بوضوح 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

والآن يجب أن نعرف شىء مهم أيضا هو أن جميع الطرق تؤدى الى هدفى 

إزاى ؟؟؟

تعرفوا دايمًا لينا هدف إسمه الهدف العاطفى  زى لما كنا بنتكلم عن السعادة فى طرق كتييييييير بتخلى الواحد يبقى سعيد وعشان كدة لو فشلت طريقة لازم استخدم خطة بديلة

 إزاى أعرف هدفى العاطفى ؟؟؟؟؟

الصفات المشتركة بين احلامنا هى الهدف العاطفى 

مثال) أنا عايز أبقى مذيع أو ممثل أو وزير 

جايز فى الأول تقول دول بعاد عن بعض جدااااااااا بس فى الحقيقى فيهم صفة مشتركة وهى الشهرة الشخص دة عايز يبقى مشهور 

مثال من الواقع ) د/فاروق الباز كان عايز يبقى طبيب جراح ولأنه مجبش مجموع طب وكان عنده شغف بعلوم الأرض قرر أنه يدخل علوم و التحق بقسم الجيولوجيا 

رغم أنك لو جراح يختلف عن عالم جيولوجيا الا ان الصفة المشتركة هى التفوق والنجاح 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وأخيرا : لازم نعرف أن تحقيق الأهداف دورة مستمر فالإنسان الناجح لا يتوقف عند نقطة معينة بل يستمر فى النجاح 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

:دورة تحقيق الاهداف 

ـــــــــــــــــــــــــــــــــــــــــــــــــــــــــــــــــــــ

جمع المعلومات

يجب أن تجمع معلومات عن هدفك فإذا أردت أن تكون طبيب يجب أن تعرف ماذا ستدرس فى طب هل ستستطيع أم لا وهكذا من سبقك فى هذا المجال وهكذا وهكذا

الارتباط بالهدف 

لاتتخلى عن حلمك مهما حدث فهو حياتك ولذلك يجب ان تربط نفسك به 

وضع الخطة 

يجب أن يكون لك خطة يكون لها زمن وتطبق عليها قاعدة سمارت 

 الالتزام بالخطة 

الالتزام هو اهم جزء سيجعل هدفك حقيقيا  خاصةً ًأنهك سترى ناتج عملك على هذا الهدف 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أكيد حنواجه صعاب بس مش حنستسلم 

:)شوفوا الفيديو دة أخر فيديو خلاص 

 ونهايةًً الفكرة 

.......................احلم

...........فتح عقلك  واكتشفه

..........استكشف نفسك ومواهبك

.................كن ما تريد أن تكون

......................................ابدأ الآن 

http://prezi.com/oh1f4asxg6x0/dream-yesbu/

وبعد فترة

منذ فترة ليست بقليلة اشتركت فى نموذج محاكاة لمنظمة التعاون الإسلامى

الغريبة فى الموضوع انى كنت اعرف انه النموذج حنتكلم فيه عن الدول الاسلامية سياستها واقتصادها ..... الخ رغم انى مليش فى السياسة اوى بس حبيت فكرة النموذج وروحت الانترفيو وبعديها لقيتنى اتقبلت

 بس تمر الايام واروح اول مرة المويك (نموذج محاكاة منظمة التعاون الاسلامى )

وكانت مش قادرة اقولكم بعد المدرسة والواحد مش قادر  ومكنتش عارفة مكان القاعة وفضلت اطلع على رجليا مش عارفة كام دور وطلعت لقيت ناس معرفهاش ولا عمرى شوفتها وكل مشوف حد واتعرف عليه يطلع فى كلية بس لما دخلنا فى جو المحاضرة

لقيت فيها  حاجة مختلفة متعرفش ازاى  بس بعد كام محاضرة كمان اتعرفت على ناس طبقنا اللى بنتعلمه واتعلمت حاجات مكنتش اعرفها اصلا وحسيت وقتها انى لو كنت مجتش مويك كان حيفوتنى حاجات كتيييييير بقى ليه اخوات كتيييير اتعلمت منهم كتييير اللى يعرفونى واللى مكنوش يعرفونى استفدت كتييير تعبنا كتييير واستمتعنا بكل لحظة  وتيجى الايام الاخيرة فى النموذج وتحس انك بجد مش عايز تروح عايز تفضل مع الناس دى ساعتها فهمت انه السبب هو الهدف اللى اتجمعنا عليه من الاول

وهو (بناء الفرد الأمة)

وبحلول اليوم الأخير فى مويك انهاردة أجتمعنا كأفراد أمة وكنت مش مصدقة انه الفترة دى عدت من غير ما نحس بس ساعتها ادركت للمرة الثانية أن سمو الهدف  من كثرة حلاوته يجعلك تتعود عليه

ودى باختصار قصة مويك الافراد الامة