استيقظت صباح اليوم لأشاهد البث المباشر لوقفة عرفات و انتابنى إحساس لا أستطيع و صفه
يا الله سبحانك ...جعلت لنا يومًا نقف فيه متجردين خاضعين خاشعين نبغى وجه جلالتك لا يهمنا الدنيا و ما فيها .. ففعلا الحج حشر أصغر فى الدنيا لغنى و فقير لا فرق يكون أمام الله
المسلمون من جميع أنحاء العالم ..مهما اختلفت ألوانهم ..أجناسهم .. أغنياء أم فقراء
يقفون جميعًا فى مذلة و رجاء باغيين وجه الله يجمعهم صوت واح "لبيك اللهم لبيك ..لبيك لا شريك لك لبيك .إن الحمد و النعمة لك و الملك لا شريك لك "ـ
الله ارزقنا حجة تمحو بها خطايانا :')
روى ابن عبد البر ، بسنده عن أنس بن مالك رضي الله عنه، قال: (وقف النبي صلى الله عليه وسلم بعرفات، وكادت الشمس أن تؤوب، فقال: (يا بلال انصت لي الناس) فقام بلال، فقال: انصتوا لرسول الله صلى الله عليه وسلم، فنصت الناس، فقال: (معاشر الناس، أتاني جبريل آنفًا، فاقرأني من ربي السلام، وقال: إن الله غفر لأهل عرفات وأهل المشعر، وضمن عنهم التبعات) فقام عمر بن الخطاب رضي الله عنه، فقال: يا رسول الله، هذا لنا خاص، فقال: (هذا لكم، ولمن أتى بعدكم إلى يوم القيامة) فقال عمر رضي الله عنه: كثر خير الله وطاب).
حضر كثير من الطلبة كنا جميعا نتراوح من سن الإعدادى و الثانوى يعنى "شباب البلد "ـ
بدأت المهندسة هدى الميقاتىفى الحديث عن قصة نجاح المركز و فريق العمل و كيفية المشارك
رغم شحن الجو بالحماس و النجاح إلا أن معظم الحضور كل ما همهم كلمة "إزاى !!"ــ"أه بقى عقبالنا "ـ والتصفيق بعد كل كلمة بسبب و بدون سبب وكلمة "أووووووووو"ـ اللى خرمت وداننا
كان شىء مؤسف حقيقى ففى جو مثل هذا يجعلك كالماكينة للعمل روح حماس عالية جدااا ان ترى نجاح بعد جهد
يعلمك أن تبذل الجهد مدفوعا واثقًا
"أن الله لا يضيع أجر من أحسن عملا"
ثم بدأ د/ عصام فى كلمات بسيطة معناها قوى يحدثنا عن اكتشاف الماء على المريخ و إشرافه على "Mars rover curiosity "
فتنظر له و لسان حالك يقول : سبحانك ربى ..عجيب خلقك
ثم أكمل كلامه بعد أن سأله أحد الحضور كيف عمل فى ناسا و هل أعاقه شىء فأخذ يعلمنا فى كلمات أنه
"مهما كانت جنسيتك أو سنك أو كنت فقير أو غنى فالبعمل سيأتيك النجاح "
هكذا هى الحياة و ها هو المثال
فكما قالها الشاعر
مــا ضَــلَّ ذو أمــلٍ سَــعــى يـومـاً وحـكـمـتــهُ الـدَّلـيــلُ
كــــلاَّ ولا خــــاب امــــرؤٌ يـومــاً ومـقـصْــدهُ نـبــيــلُ
و غدًا وبعد فترة ليست بالقليلة تعود الحياة لطبيعتها
(أصحى المدرسة ....عملت الواجب .....روحت الدرس )
و كثير من الجمل التى لا تذكر إلا فى هذا الموسم من العام وهو
"موسم الدراسة "
وهى فترة من العام ينتفع منها الكثيرون ويموت فيها الكثيرون و يسهر فيها طلبة كثيرون ويتبهدل فيها الكثيرون
و لك أن تصفها كما تشاااااااء
و لكن
دعونا ننتهى من كل هذا و نأخذ نفس عميق وننسى كل الضغوط وندعها تكون محاولة لتجديد النية و كسر الحواجز المدرسية لبناء عقل أكثر وعيًا لا يعتمد فقط على الكتب الدراسية
لن ندع شىء يوقفنا سنقرأ و نكتب ونبدع و نمارس هوايتنا سنبطل العطلة و نكمل الرحلة بنجاح فلنجعلها بداية خييييييييير :)
زماااااااااان كان فى بلد اسمها "نيوغينيا "البلد دى بقى كنت بدائية جداااا كانو بيعيشو ع الصيد بياكلو من الاشجار وبيدفو بالنار حياة بدائية تماما
تخيل ممكن يحصل للناس دى ايه لما ييجى المستعمر الاوروبى يدخل ارضهم بالسفن والطيارات والاوروبيين لابسين قمصان وبنطلونات والبرنيطة و ساعات فكانت بالنسبة للنيوغينيين
صدمة حضارية
ياااااااااااااااااه طبعًا النيوغينيين عجبتهم تلك الأشياء اللى مشافوهاش فى حياتهم قبل كدة فكانت النتيجة انهم قدّسوا هذه الأشياء وسموها (كـــــــــارجــــــــو)ـ واصبح بالنسبة لهم الكارجو شىء رااااائع حتى انهم كانو يلبسون علب السردين على دماغهم وهم بكل فخر يفعلون هذا المـهـــــــم الفكرة إننا تقريبا بقينا عملين زى الناس دى كل الكارجو اللى بنتمتع بيها احنا معملنهاش بايدينا و احيانا كمان بل كثيييييييرا استخدمنا ليها مش بيختلف عن النيوغينيين لاننا بنستعملها بدون تفكير ودة سبب انى افكر اننا لاااااااازم نقترب من حاجات كتيييييير فى حياتنا زحمة ودوشة الكارجو نستهالنا ــــــــــــــــــــــــــــــــــــــــــــــــــــــــــــــــــــــــــــــــــــــــــــ فـلـنـقـتـرب ـ من أنفسنا ـ من هويتنا ـ من حضارتنا ـ من العالم ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـ من أنفسنا
عمركش سألت نفسك بتحب إيه ؟؟؟ و بتكره إيه ؟؟؟ وإيه هى نقاط القوة والضعف عندك ؟؟؟ و لا هو أصلا يعنى إيه نفسى ؟؟؟؟ أفضل تعريف قريته وشدنى وحسيت انه انفسنا كدة فعلا هو النفس هى الوطن الذى نحمله معنا و لا يغادرنا إلا عندما نغادره . النفس كائن آخر يسكنناهى ليست نحن و لكننا قد نكونهى
كتاب بيكاسو وستار باكس..ياسر حارب
قد نكون مشتتين فى حياة كثيرة الخيارات
يعنى ممكن تبقى قاعد ع اللابتوب فاتح النت بتتصفح ...فيسبوك و تويتر و ياهو و.........الخ
وفى نفس الوقت بتكلم فى الموبايل
تفتكر هو احنا اختارنا كل دة ؟؟؟
يعنى هى دى اختيارات حقيقية ؟؟؟
اللى بيحدد اختياراتنا هو مدى استيعابنا لانفسنا لانه طول ما احنا محاطين باختيارت كثييييييييرة عايزينها كلها مش حنستمتع باى حاجة فيها
و مننساش
كثرة الخيارات في حياتنا تُنسينا الاستمتاع باللحظة الآنية التي تُعتبر اللحظة الحقيقية الوحيدة، وتلغي من قواميسنا كلمة «الآن» لتستبدلها بكلمات مثل «كان» أو «سوف». و كمان مننساش ان اختياراتنا بتعكس شخصيتنا فاختار اقرب ما يكون لك وما يناسك دون التأثر بالعالم الخارجى و تذكر إن
معرفة النفس= ثقة
تعالو نفصل ونشوف فيديو
ومتنساش اننا مش عايشين لوحدنا فى العالم فعامل الناس بمثل ما تحب ان يعاملوك حتلاقى نفسك بتقترب منهم اكثر فاكثر ـــــــــــــــــــــــــــــــــــــــــــــــــــــــــــــــــــــــــــــــــــــــــ ـ هويتنا جزء من القتراب لانفسنا انك تعرف هويتك ...زحمة العالم وأنه حاجات كتيير فى حياتنا بتسرق الوقت بيخلينا منبصش هو احنا هويتنا ايه وبالتالى بتلاقى نفسك بتنسى اصلك وتنجرف مع التيار و حقيقة انه غالبًا مادة التاريخ فى المدرسة بتشوه التاريخ وبتكرهّنا فيه لما شوفت الفيديو دة حسيت بجمال تاريخنا :)
كل ما نحس بقوتنا فى هويتنا السليمة وأصل العرب انهم كانوا رواد وذات سبق دايما دة حيدينا دفعة للأمام دايماااا فكم من مكتبات هى منارات علم عندنا زى مكتبة بغداد واسكندرية و لا تنسى إنك جزء من أجدادك العرب
و يعود الكارجو ينادى ؟
لمااااذا ؟؟؟ اعتقد اننا انشغلنا بحاجات مش مهمة وتخاذلنا فى العمل و نسينا من نحن يجب ان نكون فى سبق
بس منقدرش ننكر انه الحضارة المصرية كانت من أقوى الحضارات والمصريين دايما بيفكرو بابداع ولكن يعنى ايه ثقافة أو حضارة ؟؟ الثقافة هى ما يوجد فى حوار البسطاء منا دون ان يتعلم حتى هى صورة مجتمعنا ببساطة فى تعاملاتنا مع بعضنا والاخرين
ولكن رغم اننا من أصل قوى ونتمتع بالكثير من الميزات فلماذا نحن متخلفون ؟؟؟؟ ولا اقصد ان عقولنا متخلفة ولكن اقصد لماذا نحن من الدول النامية ؟؟؟؟؟ كثير من النظريات وضعت لتفسير هذامنها انه السبب (الوراثة أو المكان) ولكنهم بالطبع مرفوضتان لانه مثلا احنا جدودنا كانوا متقدمين وعاشوا فى نفس المكان اللى احنا عايشين فيه ولكن ابرزالنظريات هو ان السبب فى عقولنا طريقة تفكيرنا هى اللى بتشكل ثقافتنا
ـ من العالم انت شخص تعيش داخل مجتمع تكبر الدائرة وتجد انك جزء من العالم فلا عالم دون بشر عشان كدة فلنقترب من العالم اكثر عشان نعرفه بروعته قرب من الطبيعة تأمل كدة مرة فى الطبيعة حتلاقى روعة وقدرة آلهية غير محدودة ودة حيديك اليقين واحساس انه دايما ورانا رب كبييييير قادر على كل شىء
الاحساس بجمال الكون = تجديد الروح
قرب من الثقافات التانية والشعوب الاخرى حتلاقى فى كل ثقافة فيهم حكمة
حتلاقى شعوب بتعانى فتحس بالرضا وانك لازم يكونلك دور وحتلاقى شعوب متقدمة حتستفيد منها وتتعلم
أحلى حاجة ممكن تعملها وإنت ماشى فى الطريق إنك تتأمل وشوش الناس حتلاقى فيهم اللى زعلان و اللى فرحان واللى ماشى تايه فى الدنيا
يمكن تلاقى اتنين صحاب ماشيين يتسندوا على بعض بيحطوا همومهم على بعضها وبضحكة حلوة يدوبوها
بس أكتر حاجة ممكن تشدك بتاع الذُرة اللى ع البحر والفرشة بتاعته الصغيرة والضحكة الحلوة وهموم مرمية ورا ضهره
صحيح محيلتوش عربية ولا بيفكر أحدث موبايل ايه انهاردة بس هو عنده اللى أحسن من كدة بكتييييير
الرضا فى عالم صفته "فشخرة كدابة "ـــــــــ
جنب بتاع الدرة حتلاقى بتاع ترمس وبعده بشوية بتاع عربية حمص الشام وحاجات كتيييييير
الناس دى لو ركزت فيهم حتلاقى منهم كتييييير جمعهم الرضا
والقناعة
لوبصينا لهم حنعرف قيمة حياتنا جدااااااا
__________________________________ ولو جينا بصينا كمان ع العالم حنلاقى بلاد كتير أفقر مننا بكتيييييييير بس الأمل جواهم كبير أبسط حاجة بتخليهم فرحانين !!!عشان كدة سعادتنا فى حبنا للى عندنا وفى ايدينا مش اننا نبص للى فى ايد غيرنا ونقارنه باللى فى ايدينا
وسط زحم الحياة ..وسط التخبط بمشاكلها والبحث عن حلول ..وسط الآمال و الإحباطات ..وسط القطار المزدحم ..وسط صخب و ضوضاء وعقل مزدحم بالأفكار ..ونفس حملت الأعباء تندم على ماضى فات وانتهى وتقلق من مستقبل فى علم الغيب قد حُفظ
فى رفقة نفس طماعة ..لحوحة..جزوعة ..دائمًا تريد دنيا
دنيا"......و ما معنى دنيا ؟؟؟؟؟؟"
الدنيا هى الحياة الحاضرة التى ستنتهى بميعاد لا نعلمه ... و أحيانا نستخدم كلمة دنيا من الدنو وقلة قيمة الشىء
فهذه هى الدنيا شىء منهى عاجلا أم آجلا فأنه سينتهى ......ولكن
إلى أين نحن ذاهبون ؟؟؟؟
إلى الدار الآخرة حيث الحساب و هذا ما نحن عليه
هذه حياتنا التى نعلمها كلنا ولكن ما الجديد ؟؟؟ نعود إلى زحمة الحياة التى نواجهها يوميًا من متطلبات هذه الحياة ومعانتها
مشيت يومًا وكنت فى غضب شديد لا أذكر السبب ولكنى نظرت فى السماء فوجدت
:النجوم متلألأة و تذكرت قوله تعالى
ولقد زينا السماء الدنيا بمصابيح وجعلناها رجوماً للشياطين ) سورة الرحمن)
و علمت أنه إذا زدنا من تركيزنا وتأملنا فى ابداع الله فى خلق السماء وزينتها بالنجوم
سنجد إنها بأشكال رااااااااااااااائعة تسر الناظرين فعلا
وأيقنت أننى مهما كنت فى مشكلة هل ستكون أعظم ممن يتوهون فى البحر فيهتدون بالنجوم
إذًا لقد جعل الله لكل مصيبة مخرج فلماذا نقلق .......وتمنيت أنه لو كانت الأرض بصفاء السماء
مجرد تأمل
إذا تأملنا خلق الله وكيف هى الكائنات الأخرى وكيف تتعامل مع الحياة سنجد حكمة الله ..سبــــــــــحان الله لقد جعل الله فى كل شىء حولنا آية نتعظ منها وبقليل من التأمل نتعلم تلك الآية ونزيد قوة وإيمان
إذًا فلنتأمل ولنتدبر خلق الله ولا نيأس من الحياة وإنما هى مرحلة عابرة فيها نتعلم الكثير ونبذل الكثير ونعمل الكثير ولكن إذا أعطينا أنفسنا فرصة للتأمل والتعايش مع الكون وصفائه سنججد أنه بتأملات كثيرة تهون أشياء أكثر فى الدنيا
(:
فلنخرج من صخب الدنيا لبرهة نتمتع فيها بروعة الخلاق فنعود أقوى وأكثر إيمان
نقوم بالطاعات و أداء الفروض اليومية ونذهب إلى أعمالنا ...لكن كثيرًا منّا ما يفعل هذا و ذاك بطريقة روتينية ومع التعّود يتحول الأمر وكأننا إنسان ألى ... بالفعل ..كثير منا
حياته تحمل نفس التفاصيل يوميًا
و لــــــــــــكـــــــــــــــن
هنالك لحظات تأتى لتفاجئنا ...لحظات حزينة... إبتلاءات من الله...لحظات قد تكون
تذّكرة من الله لكى يعيدنا إليه
قد نفقد أشخاصًا ونحزن ويشتد بنا الحزن جدااااااااااا ...حتى إننا قد لا نتحمل فننهال فى البكاء كلما تذكرنا
بصراحة أنا كنورهان جايز معرفش حل جزرى للمشكلة دى وإلا كان زمانى عملته من زماااااااااان بس الحقيقة أنه باين كدة فى حل خلينى أقولكوا :)
:قريت اقتباس من (باولو كويلو) كان بيقول
" follow your dreams ..transform your life"
واذن هذه القاعدة الاولى ان نتبع احلامنا كى نشكل حياتنا
بصراحة مرة كنت بنتكلم مع صحابى فى الموضوع دة وكنا بنقول طيب نحقق احلامنا ازاى دة احنا محصورين فى نظام تعليم بيعطل!!!ـــــــــــــــ .
طيب ايه رايكوا لو ناخد رحلة فيه :)
فىالبداية بتروح ابتدائى وطبعا لازم فى 6 أو 5 إبتدائى تجيب مجموع كبيييييييييييييييير عشان تبقى أحسن من قرايبك و كمان عشان تدخل مدرسة كويسة :)) وتخلص وبعد كدة تدخل إعدادى فتيجى 3 إعدادى وبرضة لازم تجيب مجموع كبير عشان تدخل ثانوية عامة وساعات عشان تبقى أحسن من قرايبك أو ولاد الجيران أنت مش عارف هما جابوا كام :)) وتخلص وتروح ثانوى وبرضة المرة دى 2 و 3 ثانوى أنت بتحدد مستقبلك فخلى بالك الغلطة بفورة
(:p الحمد لله انا 3 بس هى اللى شهادة)
المهم وعلى حد علمى بعد ما تروح الكلية أيًا كانت وتتخرج ثلاث ارباع الناس مش بتلاقى شغل لانه ثلاث ارباع الناس ممشتش ورا احلامها ايوة اسمعوا منى بس
أحلامهم
بس لما تقعد تفكر شوية كدة تلاقى الجيل اللى قبليك زى د/فاروق الباز أو الله يرحمه
د/ إبراهيم الفقى تلاقى الناس دى مكانش عندهم ربع اللى عندنا مكنش عندهم كمبيوتر ولا نت ولا كانوا يقدروا يختاروا كليات بعيدة لأنهم كانوا من أسر بسيطة برغم اننا عندنا حاجات كتير الا اننا برضة مش زيهم :((ـ
عندنا أحلااااااااااااام كتييييييير ومفيش حد معندوش
بس المشكلة فينا أحنا احنا اللى بنحققها و احنا اللى بنموتها ساعات و عشان كدة تعالوا
نشوف الفيديو دة :))ـ
طيب بعد ما شفنا الفيديو وشفنا اننا عمرنا ما حنكون متأخرين لان اننا اصلا مش متأخرين بالعكس أحنا ممكن نعتبر كل اللى عدى مجرد تجارب سواء كانت ناجحة أو مكنتش مش مهم المهم مدى أستفادتنا منها ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كيف أحقق أحلامى (أهدافى)؟؟
لازم نعرف شوية حاجات
أولا:الحياة هى أن تكوّن أو تخلق أفكارك وكيانك بنفسك
ثانيًا:أن تخرج خارج القطيع بمعنى أنه يكون ليك رأيك الخاص لا تنساق وراء أراء الأخرين
ثالثًا: أن تعرف أنه لكى تعيش حياة إبداعية حقيقية يجب أن تفقد مخاوفك من أن تكون خطأ
رابعًا : أن تعلم أن بداخلك موهبة أن تؤمن بقدراتك لأن ربنا أعطى كل منّا ما يؤهلنا لنحقق أحلامنا فكل منا لديه رؤية و قدرة على الإبتكار و قدرة على الإبداع والخيال أيضًا فنحن بيدنا أستغلال كل هذا
خامسًا : ألا تنظر لمواهب غيرك نظرة الحقد بمعنى إذا كان غيرك يمتلك موهبة أنت لا تمتلكها فلا تحزن بالتأكيد لديك موهبة أنت الآخر فكلنا سواء ولكن الناجح هو من يكتشف موهبته وينميها دائمًا
وكمان فى جزء مهم جداااااااااااااااا كلمة (ولكن) السلبيية
يقول د/إبراهيم الفقى فى كتابه (قوة التحكم فى الذات ) أنه المستوى الثانى من التحدث مع الذات هو استخدام كلمة (ولكن) السلبية
حيث أنها تمحو الاشارات الايجابية التى قبلها
مثال ) أريد الاستيقاظ مبكرا ولكن لا أحب ذلك
فبالتالى يصل للعقل الباطن انك لاتحب ان تستيقظ مبكرًا لأن كلمة (ولكن) تمحو
ثمة خيط رفيع بين الحلم والهدف فالهدف هو حلم قابل للتحقق
ولذلك توجد قاعدة إسمها
وهذه الكلمة أختصار لقواعد تحقيق الأحلام(smart)
1-Specific محدد
يجب ان يكون هدفك محدد فلا تقل أريد الحصول على السعادة يجب ان تحدد شئ تتمثل فيه السعادة بالنسبة لك كإجتياز كورس لا تحبه بدرجات عالية وبالتالى ستحقق السعادة
2-Measurable قابل للقياس
أن يكون هدفك قابل للقياس أى قابل للتقييم ستقيم نفسك مدى تقدمك فى تحقيق الهدف وهذا يأتى من خلال تقسيم الهدف الكبير لعدة أهداف صغيرة إذا كنت تتقدم فيها فأنت تسلك الطريق الصحيح وإذا كنت تتأخر فأنت تحتاج لإعادة النظر فى الخطة
مثال) الهدف الكبير أنك تريد أن تذاكر كتاب الفيزياء كله يمكنك تقسيم هذا الهدف لأهداف صغيرة وبالتالى ستستطيع أن تقيم نفسك
3-Ambitious طموح
لا تضع حدود لهدفك لأنه حياتك لا تحلم أن تكون الأول على الفصل فقط أحلم أن تكون الأول على دفعتك بل الأول على الجمهورية وأن تكون الأحسن فى العالم
4-Realistic واقعى
ويجب أن يتسم هدفك بالواقعية فلا يمكنك أن تطير بتركيب أجنحة لأنك إنسان
5-Time bound محدد زمنيًا
يجب أن تضع وقت لإنجاز هذا الهدف
مثلا: أريد مذاكرة هذا الجزء فى يوم
وبالتالى بعد مرور يوم ستستطيع قياس مدى تقدمك فى هذا الجزء
وبعد معرفة هذه القاعدة أعتقد أننا سنستطيع معرفة أهدافنا بوضوح
والآن يجب أن نعرف شىء مهم أيضا هو أن جميع الطرق تؤدى الى هدفى
إزاى ؟؟؟
تعرفوا دايمًا لينا هدف إسمه الهدف العاطفى زى لما كنا بنتكلم عن السعادة فى طرق كتييييييير بتخلى الواحد يبقى سعيد وعشان كدة لو فشلت طريقة لازم استخدم خطة بديلة
إزاى أعرف هدفى العاطفى ؟؟؟؟؟
الصفات المشتركة بين احلامنا هى الهدف العاطفى
مثال) أنا عايز أبقى مذيع أو ممثل أو وزير
جايز فى الأول تقول دول بعاد عن بعض جدااااااااا بس فى الحقيقى فيهم صفة مشتركة وهى الشهرة الشخص دة عايز يبقى مشهور
مثال من الواقع ) د/فاروق الباز كان عايز يبقى طبيب جراح ولأنه مجبش مجموع طب وكان عنده شغف بعلوم الأرض قرر أنه يدخل علوم و التحق بقسم الجيولوجيا
رغم أنك لو جراح يختلف عن عالم جيولوجيا الا ان الصفة المشتركة هى التفوق والنجاح
.jpg)
.jpg)
.jpg)