الأربعاء الماضى

كان يوم الأربعاء الماضى يومًا دراسيًا طبيعيًا و لكن الإختلاف فيه هو دعوة مدرستى لحضور محاضرة فى مكتبة الإسكندرية ألقاها 

  د/عصام حجى
و كانت هذه المحاضرة ضمن فعاليات مرور 10 سنوات على إنشاء مركز القبة السماوية العلمى

حضر كثير من الطلبة كنا جميعا نتراوح من سن الإعدادى و الثانوى يعنى "شباب البلد "ـ

بدأت المهندسة هدى الميقاتى فى الحديث عن قصة نجاح المركز و فريق العمل و كيفية المشارك 

رغم شحن الجو بالحماس و النجاح  إلا أن معظم الحضور كل ما همهم كلمة "إزاى !!"ــ"أه بقى عقبالنا "ـ والتصفيق بعد كل كلمة بسبب و بدون سبب وكلمة  "أووووووووو"ـ اللى خرمت وداننا 

كان شىء مؤسف حقيقى
ففى جو مثل هذا يجعلك كالماكينة للعمل روح حماس عالية جدااا ان ترى نجاح بعد جهد 

يعلمك أن تبذل الجهد مدفوعا واثقًا 

 "أن الله لا يضيع أجر من أحسن عملا"

ثم بدأ د/ عصام فى كلمات بسيطة معناها قوى يحدثنا عن اكتشاف  الماء على المريخ و إشرافه على
"Mars rover curiosity " 

فتنظر له و لسان حالك يقول : سبحانك ربى ..عجيب خلقك 

ثم أكمل كلامه بعد أن سأله أحد الحضور كيف عمل فى ناسا و هل أعاقه شىء  فأخذ يعلمنا فى كلمات أنه 

"مهما كانت جنسيتك أو سنك أو كنت فقير أو غنى فالبعمل سيأتيك النجاح "

هكذا هى الحياة و ها هو المثال 

فكما قالها الشاعر 

مــا ضَــلَّ ذو أمــلٍ سَــعــى يـومـاً وحـكـمـتــهُ الـدَّلـيــلُ

كــــلاَّ ولا خــــاب امــــرؤٌ يـومــاً ومـقـصْــدهُ نـبــيــلُ

العودة ........

و غدًا وبعد فترة ليست بالقليلة تعود الحياة لطبيعتها 

(أصحى المدرسة ....عملت الواجب .....روحت الدرس )

و كثير من الجمل التى لا تذكر إلا فى هذا الموسم من العام وهو 

"موسم الدراسة "

وهى فترة من العام ينتفع منها الكثيرون ويموت فيها الكثيرون  و يسهر فيها طلبة كثيرون ويتبهدل فيها الكثيرون 

و لك أن تصفها كما تشاااااااء 

و لكن 

دعونا ننتهى من كل هذا  و نأخذ نفس عميق وننسى كل الضغوط وندعها تكون محاولة لتجديد النية و كسر الحواجز المدرسية لبناء عقل أكثر وعيًا لا يعتمد فقط على الكتب الدراسية 

لن ندع شىء يوقفنا سنقرأ و نكتب ونبدع و نمارس هوايتنا سنبطل العطلة و نكمل الرحلة بنجاح 
فلنجعلها بداية خييييييييير :)

فلنقترب

فلنقترب موضوع لما اخترت انى اتكلم عنه بصراحة  كان اختيار

حسيته حتمى

:)))بس قبل ما ادخل فى اى تفاصيل ححكيلكم حكاية 

ــــــــــــــــــــــــــــــــــــــــــــــــــــــــــــــــــــــــــــــــــــــ

عندك كارجو ؟؟؟

زماااااااااان كان فى بلد اسمها "نيوغينيا "البلد دى بقى كنت بدائية جداااا كانو بيعيشو ع الصيد بياكلو من الاشجار وبيدفو بالنار حياة بدائية تماما 

تخيل ممكن يحصل للناس دى ايه لما ييجى المستعمر الاوروبى يدخل ارضهم  بالسفن والطيارات والاوروبيين لابسين قمصان وبنطلونات والبرنيطة و ساعات  فكانت بالنسبة للنيوغينيين 

صدمة حضارية

ياااااااااااااااااه طبعًا النيوغينيين عجبتهم تلك الأشياء اللى مشافوهاش فى حياتهم قبل كدة  فكانت النتيجة انهم قدّسوا هذه 
الأشياء وسموها (كـــــــــارجــــــــو)ـ
واصبح بالنسبة لهم الكارجو شىء رااااائع حتى انهم كانو يلبسون 
علب السردين على دماغهم وهم بكل فخر يفعلون هذا
المـهـــــــم 
الفكرة إننا تقريبا بقينا عملين زى الناس دى كل الكارجو اللى بنتمتع بيها احنا معملنهاش بايدينا و احيانا كمان بل كثيييييييرا استخدمنا ليها مش بيختلف عن النيوغينيين لاننا بنستعملها بدون تفكير 
ودة سبب انى افكر اننا لاااااااازم نقترب من حاجات كتيييييير فى  حياتنا زحمة ودوشة الكارجو نستهالنا
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
فـلـنـقـتـرب

ـ من أنفسنا
ـ من هويتنا
ـ من حضارتنا
ـ من العالم 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـ من أنفسنا 

عمركش سألت نفسك بتحب إيه ؟؟؟ و بتكره إيه ؟؟؟ وإيه هى نقاط القوة والضعف عندك ؟؟؟
و لا هو أصلا يعنى إيه نفسى ؟؟؟؟
أفضل تعريف قريته وشدنى وحسيت انه انفسنا كدة فعلا هو 

النفس هى الوطن الذى نحمله معنا و لا يغادرنا إلا عندما نغادره . النفس كائن آخر يسكنناهى ليست نحن و لكننا قد نكون هى 

كتاب بيكاسو وستار باكس..ياسر حارب

قد  نكون مشتتين فى حياة كثيرة الخيارات 

يعنى ممكن تبقى قاعد ع اللابتوب فاتح النت بتتصفح ...فيسبوك و تويتر و ياهو و.........الخ

وفى نفس الوقت بتكلم فى الموبايل 

تفتكر  هو احنا اختارنا كل دة ؟؟؟

يعنى هى دى اختيارات حقيقية ؟؟؟

اللى بيحدد اختياراتنا هو مدى استيعابنا لانفسنا لانه طول ما احنا محاطين باختيارت كثييييييييرة عايزينها كلها مش حنستمتع باى حاجة فيها 

و مننساش 

كثرة الخيارات في حياتنا تُنسينا الاستمتاع باللحظة الآنية التي تُعتبر اللحظة الحقيقية الوحيدة، وتلغي من قواميسنا كلمة «الآن» لتستبدلها بكلمات مثل «كان» أو «سوف».

و كمان مننساش ان اختياراتنا بتعكس شخصيتنا فاختار اقرب ما يكون لك وما يناسك دون التأثر بالعالم الخارجى 
و تذكر إن

معرفة النفس= ثقة

تعالو نفصل ونشوف فيديو 

ومتنساش اننا مش عايشين لوحدنا فى العالم 
فعامل الناس بمثل ما تحب ان يعاملوك 
حتلاقى نفسك بتقترب منهم اكثر فاكثر 
ـــــــــــــــــــــــــــــــــــــــــــــــــــــــــــــــــــــــــــــــــــــــــ
ـ هويتنا

جزء من القتراب لانفسنا انك تعرف هويتك ...زحمة العالم وأنه حاجات كتيير فى حياتنا بتسرق الوقت بيخلينا منبصش هو احنا هويتنا ايه وبالتالى بتلاقى نفسك بتنسى اصلك وتنجرف مع التيار  
و حقيقة انه غالبًا 
مادة التاريخ فى المدرسة بتشوه التاريخ وبتكرهّنا فيه 
 لما شوفت الفيديو دة حسيت بجمال تاريخنا :)

كل ما نحس بقوتنا فى هويتنا السليمة وأصل العرب انهم كانوا رواد وذات سبق دايما دة حيدينا دفعة للأمام دايماااا
فكم من مكتبات هى منارات علم عندنا زى مكتبة بغداد واسكندرية و لا تنسى إنك جزء من أجدادك العرب

و يعود الكارجو ينادى ؟

لمااااذا ؟؟؟
اعتقد اننا انشغلنا بحاجات مش مهمة وتخاذلنا فى العمل و نسينا من نحن يجب ان نكون فى سبق 

فلنقترب اكثر منّا لنحفز انفسنا للامام

ـــــــــــــــــــــــــــــــــــــــــــــــــــــــــــــــــــــــــــــ

ـ حضارتنا

زى ما ذكرت غن مادة التاريخ بتكرهنا فى التاريخ

بس منقدرش ننكر انه الحضارة المصرية كانت من أقوى الحضارات والمصريين دايما بيفكرو بابداع 
ولكن يعنى ايه ثقافة أو حضارة ؟؟
الثقافة هى ما يوجد فى حوار البسطاء منا دون ان يتعلم حتى 
هى صورة مجتمعنا ببساطة فى تعاملاتنا مع بعضنا والاخرين

ولكن رغم اننا من أصل قوى ونتمتع بالكثير من الميزات
فلماذا نحن متخلفون ؟؟؟؟ 
ولا اقصد ان عقولنا متخلفة ولكن اقصد لماذا نحن من الدول النامية ؟؟؟؟؟
كثير من النظريات وضعت لتفسير هذامنها انه السبب (الوراثة أو المكان) ولكنهم بالطبع مرفوضتان لانه مثلا احنا جدودنا كانوا متقدمين وعاشوا فى نفس المكان اللى احنا عايشين فيه ولكن ابرزالنظريات هو ان السبب فى عقولنا 
طريقة تفكيرنا هى اللى بتشكل ثقافتنا 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ـ من العالم 

انت شخص تعيش داخل مجتمع تكبر الدائرة وتجد انك جزء من العالم فلا عالم دون بشر 
عشان كدة فلنقترب من العالم اكثر عشان نعرفه بروعته
قرب من الطبيعة 
تأمل كدة مرة فى الطبيعة حتلاقى روعة وقدرة آلهية غير محدودة ودة حيديك اليقين واحساس انه  دايما ورانا رب كبييييير قادر على 
كل شىء

الاحساس بجمال الكون = تجديد الروح 

قرب من الثقافات التانية والشعوب الاخرى حتلاقى فى كل ثقافة فيهم حكمة 

حتلاقى شعوب بتعانى فتحس بالرضا وانك لازم يكونلك دور وحتلاقى شعوب متقدمة حتستفيد منها وتتعلم 

الحياة واسعة لا تتركها دون ان تقترب فتتعلم :))

افتح نفسك على العالم وطييييييير فى سماه 

ـــــــــــــــــــــــــــــــــــــــــــــــــــــــــــــــــــــــــــــــــــــــــــ

شوف فلنقترب من هنا

http://prezi.com/flnktrb

فى بشرة خير لأيامنا

أحلى حاجة ممكن تعملها وإنت ماشى فى الطريق إنك تتأمل وشوش الناس حتلاقى فيهم اللى زعلان و اللى فرحان واللى ماشى تايه فى الدنيا 

يمكن تلاقى اتنين صحاب ماشيين يتسندوا على بعض بيحطوا همومهم على بعضها وبضحكة حلوة يدوبوها 

بس أكتر حاجة ممكن تشدك بتاع الذُرة اللى ع البحر والفرشة بتاعته الصغيرة والضحكة الحلوة وهموم مرمية ورا ضهره 

صحيح محيلتوش عربية ولا بيفكر أحدث موبايل ايه انهاردة بس هو عنده اللى أحسن من كدة بكتييييير 

الرضا فى عالم صفته "فشخرة كدابة "ـــــــــ

جنب بتاع الدرة حتلاقى بتاع ترمس وبعده بشوية بتاع عربية حمص الشام وحاجات كتيييييير 

الناس دى لو ركزت فيهم حتلاقى منهم كتييييير جمعهم الرضا 

والقناعة 

لوبصينا لهم حنعرف قيمة حياتنا جدااااااا

__________________________________

ولو جينا بصينا كمان ع العالم حنلاقى بلاد كتير أفقر مننا 
بكتيييييييير بس الأمل جواهم كبير أبسط حاجة بتخليهم فرحانين 
!!!عشان كدة
 سعادتنا فى حبنا للى عندنا وفى ايدينا مش  اننا نبص للى فى ايد غيرنا ونقارنه باللى فى ايدينا 

http://travel.nationalgeographic.com/travel/traveler-magazine/photo-contest/2012/entries/150185/view/

حياتنا قدرنا ملكنا ....مفاتيح تغييرها للأحسن بإيدينا ..التغيير دة أساسه الرضا بيها عشان نقدر نبنى عليها 

  :))))كن راضٍ عما وهب الله لك

http://travel.nationalgeographic.com/travel/traveler-magazine/photo-contest/2012/entries/151110/view/

الساحــــــــــــــــــة

قد سَال الحبرُ على الورقِ

يكتبُ كلماتً سكنت فى القلبِ

قد سال الدمُ على الارضِ

يخطط أنهارًا فيها طعم حب الوطنِ

وتصعد نفسى للجنة  

قد غُرز السيف فى الصدرِ

وشهدت شهادة فيها اعلم رحمة ربى

ورأيت الخلق فى الزحمة

معركة دارت

و الناس تدوس على الناسِ وسط الساحة

تطلب سلطان

والنفس مازالت أمّارة داست على  الخلق

رغبت فى حياة

ولكن الله

يوعد من داسوا فى الدنيا بدرك اسفل فى النيران

والعبد يهلل من الفرحة علمًا منه بنصر الله

والله يبشر بالجنة

والخيلة تأخذ كذاب ..نافق فى الأرض فداس على الناس

أخذه النسيان ...نسى رب الخلق

نسى يوم يقول الكافر فيه لو يوم من أيام الدنيا تعود

فأُحسن للناس ..وآتى فى الأرض من خير لله

وأعود لأحظى بالجنة  فأحصن نفسى من النار ..

تأملات .......

وسط زحم الحياة ..وسط التخبط بمشاكلها والبحث عن حلول ..وسط الآمال و الإحباطات ..وسط القطار المزدحم ..وسط صخب و ضوضاء وعقل مزدحم بالأفكار ..ونفس حملت الأعباء تندم على ماضى فات وانتهى وتقلق من مستقبل فى علم الغيب قد حُفظ

فى رفقة نفس طماعة ..لحوحة..جزوعة ..دائمًا تريد دنيا 

دنيا"......و ما معنى دنيا ؟؟؟؟؟؟"

الدنيا  هى الحياة الحاضرة التى ستنتهى بميعاد لا نعلمه ... و أحيانا نستخدم كلمة دنيا  من الدنو وقلة قيمة الشىء  

فهذه هى الدنيا شىء منهى عاجلا أم آجلا فأنه سينتهى ......ولكن 

إلى أين نحن ذاهبون ؟؟؟؟

إلى الدار الآخرة حيث الحساب و هذا ما نحن عليه  

هذه حياتنا التى نعلمها كلنا ولكن ما الجديد ؟؟؟ نعود إلى زحمة الحياة التى نواجهها يوميًا من متطلبات هذه الحياة ومعانتها 

مشيت يومًا وكنت فى غضب شديد لا أذكر السبب ولكنى نظرت فى السماء فوجدت 

:النجوم متلألأة و تذكرت قوله تعالى

ولقد زينا السماء الدنيا بمصابيح وجعلناها رجوماً للشياطين ) سورة الرحمن)  

 و علمت أنه إذا زدنا من  تركيزنا وتأملنا فى ابداع الله فى خلق السماء وزينتها بالنجوم  

سنجد إنها بأشكال رااااااااااااااائعة تسر الناظرين فعلا 

وأيقنت أننى مهما كنت فى مشكلة هل ستكون أعظم ممن يتوهون فى البحر فيهتدون بالنجوم 

إذًا لقد جعل الله لكل مصيبة مخرج فلماذا نقلق .......وتمنيت أنه لو كانت الأرض بصفاء السماء

  مجرد تأمل

 إذا تأملنا  خلق الله وكيف هى الكائنات الأخرى وكيف تتعامل مع الحياة سنجد حكمة الله ..سبــــــــــحان الله
 لقد جعل الله فى كل شىء حولنا آية نتعظ منها وبقليل من التأمل نتعلم تلك الآية ونزيد قوة  وإيمان

إذًا فلنتأمل ولنتدبر خلق الله ولا نيأس من الحياة وإنما هى مرحلة عابرة فيها نتعلم الكثير ونبذل الكثير ونعمل الكثير ولكن إذا أعطينا أنفسنا فرصة للتأمل والتعايش مع الكون وصفائه سنججد أنه بتأملات كثيرة تهون أشياء أكثر فى الدنيا 

(:

فلنخرج من صخب الدنيا لبرهة نتمتع فيها بروعة الخلاق فنعود أقوى وأكثر إيمان

براءة الأطفال والزحمة :))

حرارة الجو تقارب ال40درجة ..الشمس حاااااارقة والطريق مزدحم  تكاد لا تتحمل أن يلمسك أحد ..

ولكن هذا علينا نحن من نبالِ

   فى زحمة الطريق والحرارة الشديدة  كان بجانبنا أوتوبيس

   

(١٤ راكب 
يوجد به أكثر من 30طفل يجلسون فوق بعض يلعبون 

فرحين جداا لا ينظرون حولهم مشغولين بالغناء غالبًا كانوا ذاهبين 

إلى فسحة

برغم زحمة الطريق وصوت "الكلاكسات

إلا أن ضحكتهم تفوق أى ضوضاء إنها الفرحة البريئة فهم لا 

يفكرون بشىء إلا فرحتهم بالمكان الذى ينتظرهم سواء كان 

فخم ذو ألعاب رائعة أو كان تمشية بسيطة فى الشارع على 

(رصيف البحر مع واحد (آيس كريم

لايهم بالنسبة لهم الشكليات قد يكون كل ما يريدونه هو قليل من 

الحنان مع الدفء وحب صادق ... لأن هذا ما يفهمه هؤلاء ..

فى الطريق أخذ السائق يصيح فى وجوهم وكانوا متوقفين عند 

إشارة مرورية يقول وأنا أسمع ..(اسكتووووا بقى !! هو أنا 

ناقصكم مش كفاية الحر و القرف )

وهم لايهتمون !!....

ربما يسمعون كلامه لكن بلا اهتمام "عااااااااااااادى"

وكأنهم بيقولوا جواهم  "يعنى انت مش شايف الزحمة اللى احنا 

فيها مستكتر علينا الضحك يعنى"

وواصلو لعبهم إلى أن وصلت إلى مكانى وأخذ أوتوبيس السعادة 

فى انطلاقه و الضحك داخله يدوّى ...........